La Gerba Bauda.

Qu'es uei que nos fam gerba bauda

Qu'es uei que nos minjem lu jau

Einuech, n'auram la testa chauda

Deman la feure dins los piaus.

Recorson

Nos som qui per chantar mai per beure

Portatz nos de queu vin claret

Ieu n'aime mas mon gobelet

Vautres podetz me creure

Quant eu es plen

Sus la darriera charetada

Qu'es me qu'a plantat lu bosquet

I ai possat ‘na bona eslulhada

Aura vau chantar mon coplet.

Per bien ‘chabar quela jornada

Qu'es dau bon vin que nos beuram

Far petar los uelhs dins la coada

Quò ne vau ren per los paisans.

Bufa Piaron dins ta chabreta

Fai veire que t'as de l'alen

Emb la Miuon que n'en lebreta

Vòle dançar lu pelele.

Quò n'es pas tots los jorns balada

Si qu'es te nos som contents

N'am pro suffert tota l'annada

Dau solelh mai dau meschaent temps.