La balada de chas Manot
Ne ses-tu pas bientòst coifada
De la festa n'auvem lu chant
Despaicha-te qu'es la balada
Nos marcharam jusc'au vilatge
Ieu te massarai daus babois
Tu los metras a ton corsatge
Ieu t'aidarai si tu io vo'es.
2 ème coplet
Avant de ‘ribar sur la plaça
As-tu besoenh de te ‘restar
Ieu t'atendrai o ma Janeta
Fai vite, ne te geina pas
Fau ubrir ‘quela grossa ombrela
Si quò molha pendent ‘queu temps
Releva bien sos ton aissela
Ta brava rauba dau diumenc
3 ème coplet
Janeta apres ‘quela ramada
La gent van estre bien contents
De veire un jorn de balada
Raïa lu solelh un mament
La toileta vraiment se presa
Las coifas mai los cotilhons
Que ‘queu paubre solelh redressa
Vau far lu bonur daus garçons.
4 ème coplet
Nos vam ‘nar veire ente l'um dança
Una valsa nos devem far
Mas per avant de nos n'anar
Nos faram plan ‘na contredança
De mai si tu ses fatigada
N'e(i)ram nos pausar un mament,
Tot en prene(a)nt ‘na limonada
Nos riram bien per nòstre argent.
5 ème coplet
N'obluda pas ma bela blonda
Tu m'as promes assurament
De far ‘na valsa, mai ‘na ronda
Au bal ente juga Voisin.
Tu entendras ‘quela musica
La clarineta, lu piston
Mai tots quilhs instruments a pipa
Qu'an lu son doç com'un violon
6 ème coplet
Au mament la dança es chabada
Quò es temps de se retirar
Fau desboschar la limonada
L'aur e l'argent me manca pas.
Si nos tachem ta brava rauba
Mai ton cotilhon de dessos
Reparam vite ‘quela fauta
Ma Janeta maridam nos.
Recorson
Janeta ieu voldria que dins cent ans
Tu fuguessas ma mïa si nos viviam
Qu'es sur que ieu voldria que dins cent ans
Tu fuguessas ma mïa me ton amant.